कल्याणच्या काळा तलावात तरंगला वृद्ध महिलेचा मृतदेह

कल्याण : पश्चिमेकडील काळा तलाव येथे आज दुपारी ३ वाजण्याच्या सुमारास एका वृद्ध महिलेचा मृतदेह तरंगताना आढळून आल्याने एकच खळबळ उडाली. नागरिकांनी याबाबत पोलिसांना माहिती देताच पोलिसांनी तत्काळ घटना स्थळी धाव घेत याबाबत अग्निशमन विभागाला माहिती दिली. अग्निशमन विभागाच्या मदतीने महिलेचा मृतदेह पाण्याबाहेर काढण्यात आला. या महिलेचे वय अंदाचे ६५  वर्ष असल्याचा अंदाज पोलिसांकडून वर्तवण्यात येत आहे.

कल्याणच्या काळा तलावा आसपास तशी बऱ्यापैकी वर्दळ असते. मात्र रात्रीच्या सुमारास काही वेळेस या ठिकाणी शुकशुकाट असतो. आता तलावात वृद्ध महिलेचा मृतदेह सापडल्याने एकच खळबळ मजली आहे. हा मृतदेह शवविच्छेदनासाठी केडीएमसी रुग्णालयात पाठवण्यात आला आहे. या महिलेची अद्याप ओळख पटली नसून ही महिला कोण आहे? ती काळा तलाव परिसरात कशी आली? याचा तपास पोलीस करत आहेत. त्यामुळे हा अपघात आहे की घातपात हे लवकरच उघड होणार आहे.

-कुणाल म्हात्रे

शहापूर येथे आधार फाउंडेशन सामाजिक सेवा संस्थे मार्फत सभासद कौटुंबिक मेळावा संपन्न

शहापूर :- आधार फाउंडेशन हे बेरोजगार, बचतगट, शेतकरी, कलाकार, सेवानिवृत्त, विध्यार्थी, पारमार्थिक या सर्वांसाठी कार्यरत असलेली एक सामाजिक सेवाभावी संस्था आहे. आता पर्यंत गोर गरिबांच्या मदतीसाठी नेहमी तत्परतेने कार्य करत आहे.

मंगळवारी श्री संगम येथे पार पडलेल्या मेळाव्यात श्रमदान कर्मसिद्ध व्याख्यान परस्परसंवादाने कार्यक्रमाची सुरवात झाली. संगमेश्वर चे मठाधीपती गोपीनाथ महाराज, प्रति पंढरपूर धणीवली येथील कमळनाथ महाराज, मुरबाड पंचायत समिती सभापती श्रीकांत धुमाळ तसेच धनाजी गायकर, नाथाजी शिंदे, आधार फाऊंडेशन चे अध्यक्ष कैलास कोर, राणे सर, संजय घुडे, पद्माकर कोर आदी मान्यवर उपस्तीत होते.

-संदेश दाभणे

कल्याणच्या छम छम मध्ये पोलीस कर्मचाऱ्यासह सहा जणांचा धिंगाणा; महात्मा फुले पोलिसांनी ठोकल्या बेड्या

कल्याण :- पश्चिमेतील ताल बार मध्ये रिव्हॉल्व्हरचा धाक दाखवत ऑर्केस्ट्राबार मध्ये एका पोलिस कर्मचाऱ्यांसह कल्याण डोंबिवली मनपाचे भाजपा माजी उपमहापौर यांच्या भावासह सहा जणांनी गोंधळ घातला. यावेळी त्यांनी रिव्हॉल्व्हरचा धाक दाखवून बार उशिरापर्यंत सुरू ठेवा अशी धमकी बार मॅनेजरला दिली. याप्रकरणी कल्याणच्या महात्मा फुले पोलीस ठाण्यात या पोलीस कर्मचाऱ्यासह सहा जणांविरोधात गुन्हा दाखल करण्यात आला आहे.

कल्याण सत्र न्यायालयाने आरोपीना एक दिवसाची पोलीस कोठडी ठोठावली आहे. मंगलसिंह भंवरसिंह चौहान, हरीश्याम सिंह, रिकिन गज्जर, पोलीस कर्मचारी उत्तम घोड़े, विक्रांत बेलेकर आणि  शेखर सरनोबत आरोपींची अशी नावे आहेत .सर्व आरोपी आंबिवली, मोहने, यादवनगर, टिटवाला और हीराबाग-शनिवार पाटीलनगर  मधील रहिवाशी आहेत 

दरम्यान या सहा जणांना पोलिसांनी अटक केली आहे. उत्तम घोडे असं या पोलीस कर्मचार्‍याचे नाव असून तो टिटवाळा पोलिस ठाण्यात कार्यरत असून चाळ माफियाकडून हफ्ते वसुली करत आल्याची धक्कादायक माहिती सूत्रांनी दिली आहे. आणि याच चाळ माफिया सोबत हा पोलिस कर्मचारी पार्टी करायला आला होता. हॉटेल मालकाला शेरकी मिरवण्याच्या नादात सर्वत्र स्वतःची बदनामी करून घेतली आहे.

-रोशन उबाळे