कल्याणच्या महात्मा फुले पोलीस स्थानकात एका आरोपी विरोधात २०१४ साली विविध कलामांतर्गत गुन्हा दाखल झाला होता. मात्र हा आरोपी मागील सात वर्षे पोलिसांना चकवा देऊन स्वतःचे अस्तित्व बदलून लपून छपून आपले जीवन जगत होता. आता आपल्याला कोणी ओळखणार नाही या भ्रमात असतानाच पोलिसांनी आज त्याला यशस्वीपणे आपल्या सापळ्यात पकडले आहे.
कल्याणच्या महात्मा फुले पोलीस स्थानकात २१ नोव्हेंबर २०१४ साली माजिद अली उर्फ गुड्डू मन्सूर अली शेख याच्या विरोधात फसवणूकीच्या प्रकरणात फसवणूक केल्या प्रकरणी तसेच विविध कलमा नुसार गुन्हा नोंदवला गेला. मात्र अटक होण्याच्या भीतीने तो फरार झाला. न्यायालयाने जाहीरनामा काढून त्याची लखनऊ येथील पाऊने दोन कोटींची प्रॉपर्टी लिलावास काढली. मात्र तरीही माजिद अली हा काही समोर आला नाही. आणि पोलीस पुढील सात वर्षे त्याचा शोध घेत राहिली. पण माजिद अली स्वतःच अस्तित्व बदलून राहत असल्याने पोलिसांना सापडत नव्हता.
पोलिसांना चकवा देऊन राहत असलेल्या मन्सूर अलीला पकडण्यासाठी पोलिसांनी गुप्त बातमीदाराची मदत घेतली. यानंतर त्याचा सध्याचा मोबाईल नंबर पोलिसांच्या हाती लागला. त्या नंबरच्या मदतीने पोलिसांनी तांत्रिक शोध घेतला. यानुसार तो आता नवी मुंबईत कामोठे येथे राहत असल्याचा पत्ता त्यांना प्राप्त झाला. व अधिक शोध घेऊन त्याचा सध्याचा फोटो देखील पोलिसांनी मिळवला. आणि सापळा रचून सात वर्षे लपंडाव खेळणाऱ्या माजिद अलीचा गॅम ओव्हर केला आणि त्याला महात्मा फुले पोलीस ठाण्यात हजर केले.
माजिद अली सध्या पोलिसांच्या कैदेत असून त्याच्यावर या पोलीस ठाण्यात फसवणुकीचे दोन गुन्हे दाखल आहेत. तसेच उत्तरप्रदेश येथेही त्याच्यावर गंभीर गुन्ह्यांची नोंद असल्याचे चौकशीत निष्पन्न झाले आहे. या यशस्वी कामगिरीत वरिष्ठांच्या मार्गदर्शनाखाली गुन्हे शाखा घटक ३ कल्याणचे पोलीस निरीक्षक विलास पाटील, सहाय्यक पोलीस निरीक्षक भूषण दायमा, पोलीस उप निरीक्षक मोहन कळमकर, सहाय्यक पोलीस उपनिरीक्षक साळुंखे, विलास मालशेटे, दत्ताराम भोसले, सचिन साळवी, राजेंद्र खिलारे, मंगेश शिर्के, सुरेश निकुळे, प्रकाश पाटील, हरिश्चंद्र बांगरा, पोलीस शिपाई अजितसिंग राजपूत, सचिन वानखेडे, मिथुन राठोड, गुरुनाथ जरग, गोरक्ष शेकडे, राहुल ईशी आदींचे महत्त्वाचे योगदान आहे.
-संतोष दिवाडकर
About Author
