Sai Sanjivani Hospital : कल्याण पश्चिम बिर्ला कॉलेज रोड येथील साई संजिवनी हॉस्पिटल मध्ये तोड फोड करण्यात आल्याची घटना समोर आली आहे. विष प्राशन केलेल्या एका महिलेचा उपचारादरम्यान मृत्यू झाल्याने संतप्त कुटुंबीयांनी रुग्णालयाच्या साहित्याची तोडफोड केली आहे. महात्मा फुले चौक पोलिस ठाण्यात घटनेची नोंद झाली असून गुन्ह्याची प्रक्रिया सुरू आहे.
गंगा शिंदे असे मयत महिलेचे नाव असून उपचारासाठी गुरुवारी त्यांना रुग्णालयात दाखल केले गेले होते. मात्र याच दरम्यान उपचारात हलगर्जीपणा झाल्याचा कुटुंबीयांचा आरोप असून महिलेच्या संतप्त नातेवाईकांनी रुग्णालयाची तोड फोड करीत डॉक्टर व परिचारिकाना मारहाण केल्याचे समजते. घटनेची माहिती मिळताच महात्मा फुले पोलीस घटना स्थळी दाखल होत घटनेची चौकशी करत कायदेशीर कारवाई करण्यात येईल अशी माहिती दिली आहे.
मयत महिलेने विष प्राशन करत आत्महत्येचा प्रयत्न केल्यानंतर रुग्णालयाने उपचारासाठी दाखल करून घेतले. मात्र डॉक्टरानी या घटनेची कोणतीही माहिती पोलिसांना दिली नसल्याने डॉकटरची देखील चौकशी केली जाणार असल्याची माहिती वरिष्ठ पोलीस निरीक्षकांनी दिली आहे. दरम्यान चुकी रुग्णालयाची आहे की नातेवाईकांची? याचा तपास आता पोलीस करीत आहेत.
–रोशन उबाळे
Vandalism of Sai Sanjivani Hospital in Kalyan
About Author
