कल्याण पूर्व तिसगाव पूना लिंकरोडवर आज दुपारी ४ च्या दरम्यान एका दुचाकीस्वाराचा दुर्दैवी मृत्यू झाल्याची दुर्घटना घडली आहे. मालवाहतूक ट्रकच्या धडकेत हा अपघात झाल्याची प्राथमिक माहिती समोर येत आहे.
मंधाता मिश्रा हा तीस वर्षीय तरुण आपल्या दुचाकीवरून प्रवास करीत होता. पूना लिंकरोडहुन जात असताना एका मालवाहतूक करणाऱ्या ट्रकने त्याला धडक दिली आणि या धडकेत ट्रकखाली चिरडून त्याचा दुर्दैवी मृत्यू झाला. स्थानिकांनी ट्रक चालकाला पकडून पोलिसांच्या ताब्यात दिले. कोळसेवाडी पोलिसांनी घटनास्थळी पोहोचत तात्काळ पंचनामा केला व मृतदेह रुक्मिणीबाई रुग्णालयात पाठवून दिला.
अपघातात मृत्युमुखी पडलेला तरुण मंधाता मिश्रा हा डोंबिवलीत राहणारा असल्याचे माहिती मिळाली. शिवाय त्याच्याजवळ सापडलेल्या ओळ्खपत्रा नुसार तो रिलायन्स कंपनीचा कर्मचारी असल्याचेही समजत आहे. या अपघाताचा पुढील तपास कोळसेवाडी पोलीस करीत आहेत.
-शरद शिंदे
About Author
